جھنگ( )ڈاٸریکٹر جنرل پنجاب فوڈ اتھارٹی عاصم جاوید کی ہدایت پر ڈپٹی ڈائریکٹر آپریشنز جھنگ یاسر مشتاق کی سربراہی میں پنجاب فوڈاتھارٹی جھنگ اور چناب کالج، گورنمنٹ گرلز بشیر ہائی سکول اور سپیشل ایجوکیشن سکول جھنگ کے اشتراک سے طلباء کے لیے آگاہی سیمینارز کا انعقاد کیا گیا.جس میں ماہم وحید صاحبہ (اسسٹنٹ کمشنر )، ظفر اقبال صاحب (ڈسٹرکٹ ایجوکیشن آفیسر سیکنڈری) ، مس رخسانہ پرنسپل گورنمنٹ گرلز بشیر ہائی سکول، حسن عثمان صاحب پرنسپل سپیشل ایجوکیشن سکول اور کرنل (ر) اعظم مقبول صدیقی پرنسپل چناب کالج جھنگ نے بطور مہمان خصوصی شرکت کی۔
تفصیلات کے مطابق پنجاب فوڈ اتھارٹی جھنگ نے پروگرام Eat Safe Healthy Campaign کے زیرِ اہتمام چناب کالج، گورنمنٹ گرلز بشیر ہائی سکول اور سپیشل ایجوکیشن سکول جھنگ کے طلباء کے لیے آگاہی سیمینار کا انعقاد کیاگیا جس میں ماہر غذاٸیت نے متوازن غذا اور تعلیمی اداروں میں کھانے پینے کی اشیاء کی فروخت کے قوانین (سبز، پیلے اور سرخ رنگ کے لیبل والی کھانے پینے کی اشیاء) سے متعلق آگاہی دی۔
ماہر غذاٸیت نے طلباء کو جسمانی اور ذہنی نشوونما کو بہتر بنانے کے لیے قدرتی خوراک جیسا کہ صاف پانی، تازہ پھلوں کے جوس، تازہ سبزیاں، انڈہ، دودھ اور دودھ سے بنی اشیاء، گوشت سے بنی تازہ اشیاء کے استعمال کو ترجیحی بنیادوں پر خوراک کا حصہ بنانے کے فواٸد سے آگاہ کیا،
کاربونیٹڈ ڈرنکس، اور کے استعمال سے منع کیا اور گھر کے کھانے کی افادیت پر زور دیا۔ڈپٹی ڈائریکٹر آپریشنز کا کہنا ہے کہ بچے ہمارے ملک کا مستقبل ہیں لہذا بچوں کو صحت مند خوراک کے بارے آگاہی اور صحت مند خوراک کی فراہمی پنجاب فوڈ اتھارٹی کی اولین ترجیح ہے جس کے لیے تمام تر وسائل بروئے کار لائے جائیں گے۔
شیخ غلام مصطفٰی سی ای او و چیف ایڈیٹر جھنگ آن لائن نیوز 923417886500 +