*آر پی او فیصل آباد ذیشان اصغر کا جھنگ کا دورہ، کھلی کچہری، تھانہ انسپکشن اور کرائم میٹنگ کا انعقاد*
جھنگ ( شیخ غلام مصطفیٰ ) ریجنل پولیس آفیسر فیصل آباد ذیشان اصغر نے آج جھنگ کا دورہ کیا، جہاں انہوں نے تھانہ سیٹلائٹ ٹاؤن میں کھلی کچہری کا انعقاد کیا۔
اس موقع پر شہریوں کے مسائل سنے گئے اور ان کے فوری ازالے کے لیے موقع پر ہی احکامات جاری کیے گئے۔ ڈی پی او جھنگ کیپٹن (ر) بلال افتخار کیانی بھی اس موقع پر ان کے ہمراہ موجود تھے۔آر پی او فیصل آباد نے تھانہ سیٹلائٹ ٹاؤن کی فارمل انسپکشن کی اور سروس ڈلیوری، ریکارڈ مینجمنٹ اور صفائی ستھرائی سمیت دیگر امور کا جائزہ لیا۔
انہوں نے پولیس اہلکاروں سے بات چیت کرتے ہوئے انہیں عوامی توقعات پر پورا اترنے کی ہدایت کی۔دورے کے دوران آر پی او فیصل آباد کی زیر صدارت کرائم میٹنگ کا بھی انعقاد ہوا-
جس میں ایس پی انوسٹی گیشن، تمام ڈی ایس پیز اور ایس ایچ اوز نے شرکت کی۔ میٹنگ میں ضلع جھنگ کی کرائم صورتحال اور پولیس کی مجموعی کارکردگی کا تفصیلی جائزہ لیا گیا۔
آر پی او نے محرم الحرام کے پرامن انعقاد پر پولیس افسران و جوانوں کی کوششوں کو سراہا اور نمایاں کارکردگی دکھانے والوں کے لیے تعریفی سرٹیفکیٹس کا اعلان کیا۔
اس موقع پر انہوں نے ہدایت کی کہ کریمنل گینگز کے خلاف بھرپور اور مؤثر کارروائیاں یقینی بنائی جائیں اور پبلک سروس ڈلیوری میں مزید بہتری کے لیے ہر ممکن اقدامات جاری رکھے جائیں۔
شیخ غلام مصطفیٰ سی ای او و چیف ایڈیٹر جھنگ آن لائن نیوز نیٹ ورک 923417886500 +