وزیر اعلیٰ پنجاب محترمہ مریم نواز شریف صاحبہ کے ا ویژن کے مطابق کروڑوں مالیت کی زمین اصلی مالکان کو مل گئی
*ٹوبہ ٹیک سنگھ کے نواحی چک نمبر چک 270 گ ب: حقدار کو 16 سال بعد زمین کی واپسی انصاف کی روشن مثال، ضلعی انتظامیہ کی محنت اور شفافیت سے انصاف یقینی*
*تحریر وترتیب: محمد زاہد مجید انور*
*ٹوبہ ٹیک سنگھ کے نواحی علاقے رجانہ میں چک نمبر 270 گ ب کی زمین تقریباً 16 سال سے ناجائز قابضین کے قبضے میں تھی۔ سالہا سال کی جدوجہد اور انتظار کے بعد، اللہ کی مہربانی سے یہ زمین بالآخر اپنے قانونی مالک کے حوالے کر دی گئی۔ یہ واقعہ نہ صرف حقدار کے حق کی واپسی کا سبب بنا بلکہ ضلعی انتظامیہ کی محنت، شفافیت اور عوامی خدمت کے عزم کو بھی نمایاں کرتا ہے۔
زمین کے مالک نے اپنے جذباتی بیان میں بتایا کہ ڈپٹی کمشنر عمر عباس میلہ، اسسٹنٹ کمشنر منور حسین کملانہ سیال، ایڈیشنل ڈپٹی کمشنر ریونیو، سب ڈویژنل انفورسمنٹ آفیسر پیرا فورس میڈم صدف ارشاد، تحصیلدار علی عباس بھروانہ اور محکمے کے پٹواری صاحبان نے مکمل محنت اور ایمانداری سے ان کا حق دلایا۔
مالک نے کہا کہ اگر یہ اہلکار نہ ہوتے تو شاید انہیں اپنا حق حاصل کرنے میں صدیوں لگ جاتے۔ڈپٹی کمشنر اور دیگر اہلکاروں کی ذاتی نگرانی اور انصاف پسندی نے نہ صرف زمین کا باعزت قبضہ ممکن بنایا بلکہ مالک کے لیے سکون اور تسلی کا بھی سبب بنی۔
مالک نے وزیر اعلیٰ پنجاب مریم نواز شریف کے وژن اور ضلعی انتظامیہ کے نظم و ضبط کا بھی شکریہ ادا کیا، اور کہا کہ یہ انصاف ان کے لیے ایک بڑا سکون اور اطمینان کا سبب بن گیا ہے۔یہ واقعہ یہ واضح کرتا ہے کہ شفاف انتظامیہ اور محنتی سرکاری اہلکار عوام کے حقوق کی حفاظت میں کس قدر اہم کردار ادا کرتے ہیں۔
چک 270 گ ب کی زمین کا حقدار کے حوالے ہونا نہ صرف ایک قانونی فتح ہے بلکہ ضلعی انتظامیہ کی عوام دوست پالیسی اور وزیر اعلیٰ پنجاب کے وژن کی عملی عکاسی بھی ہے۔یہ کہانی ہر حقدار کے لیے ایک مثال ہے کہ حق کے لیے مستقل مزاجی، محنت اور ضلعی انتظامیہ کے تعاون سے انصاف حاصل کیا جا سکتا ہے۔
اس عمل نے یہ بھی واضح کر دیا کہ عوامی خدمت اور شفافیت کے اصولوں کے تحت ہر شہری کے حقوق کی حفاظت ممکن ہے، چاہے وقت کتنا ہی طویل کیوں نہ لگ جائے۔*
شیخ غلام مصطفیٰ سی ای او و چیف ایڈیٹر جھنگ آن لائن نیوز نیٹ ورک 923417886500 +