جھنگ۔۔پاکستان کی تاریخی فتح پر ریسکیو 1122 اور تمام پاکستانیوں کا ، افواجِ پاکستان کو زبردست خراجِ تحسین اور یوم تشکر منایا گیا، پاکستان کی حالیہ عظیم الشان فتح اور دشمن ملک بھارت کی شکست پر عوامی سطح پر خوشی کا اظہار کرتے ہوئے پنجاب ایمرجنسی سروس ریسکیو 1122 جھنگ نے لوکل گورنمنٹ کے ساتھ ملکر یوم تشکر منایا اور اس سلسلے میں ریلی کا انعقاد بھی کیاگیا ۔ جس کی قیادت ڈپٹی کمشنر جھنگ، علی اکبر بھنڈر نے کی، جبکہ اس موقع پر ڈسٹرکٹ ایمرجنسی آفیسر ریسکیو 1122 ڈآکٹر میاں محمد اشفاق اورلوکل گورنمنٹ کے افسران، طلباء، شہریوں اور مختلف شعبہ ہائے زندگی سے تعلق رکھنے والے افراد کی بڑی تعداد نے شرکت کی۔
ریلی کا آغاز پریس کلب جھنگ سے ہوا اور یہ کچہری چوک پر اختتام پذیر ہوئی۔ شرکاء نے افواجِ پاکستان کو زبردست خراجِ تحسین پیش کرتے ہوئے وطن سے محبت کا بھرپور مظاہرہ کیا۔ شرکاء کا کہنا تھا کہ ہماری افواج نے بے مثال جرات اور قربانی کا مظاہرہ کرتے ہوئے دشمن کی جارحیت کا منہ توڑ جواب دیا۔ قوم آج ان جوانوں کی قربانیوں کے باعث فخر سے سر بلند کیے ہوئے ہے۔
شرکاء نے ہاتھوں میں قومی پرچم اٹھا رکھے تھے اور “پاکستان زندہ باد” کے فلک شگاف نعرے لگاتے رہے۔ اس موقع پر ملکی سلامتی، ترقی اور خوشحالی کے لیے خصوصی دعائیں بھی کی گئیں۔
ریسکیو 1122 جھنگ کے اہلکاروں کا کہنا تھا کہ وہ نہ صرف ایمرجنسیز میں اپنی خدمات انجام دے رہے ہیں بلکہ ہر موقع پر قومی جذبے کے ساتھ صفِ اول میں موجود ہیں۔
*محمد زبیر ڈسٹرکٹ میڈیا کوآرڈینیٹر،*
*ریسکیو 1122 جھنگ*