تحصیل اسیسمنٹ بورڈ برائے معذور افراد کا انعقاد تحصیل ہیڈ کوارٹر ہسپتال احمد پور سیال میں ہوا جس کی صدارت ڈاکٹر قاسم عباس ڈپٹی میڈیکل سپرنٹینڈنٹ نے کی جبکہ بورڈ کے دوسرے ممبران میں ڈاکٹر رانا محمد عباس سرجن ، ڈاکٹر عون مزمل آرتھو پیڈک،ڈاکٹر جاوید طاہر چائلڈ سپیشلسٹ, نمائندہ ٹیوٹا نسیم عباس ، سعید قمر خان ، خلیل الرحمٰن سوشل نیڈ آفیسر اور سہیل آرتھر سوشل ویلفئیر آفیسر نے شرکت کی ،بورڈ میں 111 معذور افراد کی مختلف کیٹیگریز کی درخواستیں پیش کی گئیں بورڈ نے 92 افراد کو معذور قرار دیا، , 8 افراد معذوری کی کٹیگری میں نہ آسکے ،4 افراد کو سپیشل رائے کے لئے ریفر کیا گیاجبکہ 7 افراد بورڈ میں حاضر نہ ہوئے اس موقع پر ڈاکٹر قاسم عباس نے بتایا کہ محکمہ صحت پنجاب اور محکمہ سوشل ویلفیئر و بیت المال پنجاب کے تعاون سے تحصیل ہیڈ کوارٹر ہسپتال احمد پور سیال میں باقاعدگی سے ہر مہینے معذور افراد کی اسیسمنٹ کے لیے بورڈ کا انعقاد کیا جا رہا ہے ، سہیل آرتھر سوشل ویلفئیر آفیسر نے بتایا کہ محکمہ سوشل ویلفیئر پنجاب کی طرف سے باقاعدہ معزور افراد کی رجسٹریشن کی جا رہی ہے اسی سلسلہ میں تحصیل احمد پور سیال میں بھی سوشل ویلفئیر آفیسر کے دفتر میں ہیلپ ڈیسک قائم کر دیا گیا ہے اور روزانہ کی بنیاد پر معذور افراد کی آنلائن رجسٹریشن کی جا رہی ، سہیل آرتھر نے مزید بتایا کہ جن افراد کو سرٹیفکیٹ جاری کیے جاتے ہیں ان کو باقاعدہ نادرا دفتر شناختی کارڈ بنوانے کے لے ریفر کیا جاتا ہے ۔
