گڑھ مہاراجہ (شیخ غلام مصطفیٰ، رانا محمد نعیم خان ) تحصیل بار ایسوسی ایشن احمد پور سیال کے سال 2026ء کے انتخابات کے نتائج کا اعلان کردیا گیا۔صدارت کا تاج ایک بار پھر مہر شہزاد سلیم گرواہ کے سر سج گیا ۔12 ووٹوں کی برتری سے صدر بار ایسوسی ایشن احمد پور سیال منتخب ہوگئے جبکہ محمد شفقت علی خان 20 ووٹوں کی برتری سے جنرل سیکرٹری منتخب ہوئے ہیں –
مدمقابل صدارتی امیدوار چوہدری امتیاز احمد نے 40 جبکہ جنرل سیکرٹری کے امیدوار علی زیب خان نے 36 ووٹ حاصل کئے ہیں . پولنگ کا عمل خوشگوار ماحول میں اختتام پذیر ہوا۔ سیکورٹی کے بھی فول پروف انتظامات کیے گئے تھے۔ ڈی ایس پی ارشد علوی اور ایس ایچ او واصف علی نول بذات خود سارا دن بار روم میں موجود رہے ۔
نتائج کا اعلان ہوتے ہی ڈھول کی تھاپ پر جشن منایا گیا ۔ کامیاب ہونے والے اُمیدواروں کو مبارکباد دینے والوں کا تانتا بندھا رہا ۔ نومنتخب صدر اور جنرل سیکرٹری کو پھولوں کے ہار پہنا کر مبارکباد دی گئی اور مٹھائی بھی تقسیم کی گئی-
شیخ غلام مصطفیٰ سی ای او و چیف ایڈیٹر جھنگ آن لائن نیوز نیٹ ورک 923417886500 +